Во Белград денеска се одржува „Парадата на гордоста“. Учесниците ќе тргнат од Славија и ќе се движат до плоштадот Република.
Како што е најавено, една минута молк ќе биде посветена за ЛГБТ-заедницата во целиот свет.
Учеството на „Парадата на гордоста“ најави и српската министерка за државна управа и локална самоуправа, Ана Брнабиќ, а министерката Славица Ѓукиќ-Дејановиќ рече дека ќе учествува на парадата доколку обврските ѝ го дозволат тоа.
Српскиот министер за внатрешни работи, Небојша Стефановиќ, изјави дека на „Парадата на гордоста“ ќе бидат ангажирани доволен број полицајци, кои ќе ја осигураат безбедноста на белградските улици.
– Ова и понатаму е собир од висок ризик и сакам да ги замолам сите сограѓани да се воздржат од насилства. Важно ни е никој да не мисли дека со уривање и со палење на градот и со судири со полицијата ќе се постигне некаков ефект – истакна Стефановиќ.