This page was exported from Meta.mk [ http://meta.mk ]
Export date: Thu Mar 21 14:21:50 2019 / +0000 GMT

Сипаниците може да го одложат почетокот на второто полугодие




Министерството за образование и наука ја следи ситуацијата со епидемијата од сипаници, во координација е со министерствата за здравство и за труд и социјална политика и врз основа на состојбата на терен, ќе одлучи за евентуално одложување на второто полугодие, кое по правило треба да започне на 21 јануари, изјави денеска министерот за образование Арбер Адеми.

Во МОН потсетуваат дека согласно Законот за основно образование, при запишувањето на детето во прво одделение родителот е должен да достави потврда за примените задолжителни вакцини за детето, издадена од надлежна здравствена установа.

- Според тоа што ќе го имаме на терен, ќе преземеме мерки во пресрет на второто полугодие. Ќе биде преземено тоа што е неопходно од наша страна како надлежна институција. Треба да водиме грижа и за следење на воспитно-образовниот процес во основно и за вакцинацијата на нашите деца. И во постојниот закон е предвидено дека при упис на децата во основно, нивните родителите треба да докажат дека биле вакцинирани - рече Адеми.

Членот во законот со кој се предвидува задолжително приложување потврда за примени вакцини, го има и во новиот Закон за основно образование кој е во фаза на изработка, а ќе биде ставен и на јавна консултација.

Post date: 2019-01-11 14:34:46
Post date GMT: 2019-01-11 13:34:46
Post modified date: 2019-01-11 14:34:46
Post modified date GMT: 2019-01-11 13:34:46

Powered by [ Universal Post Manager ] plugin. MS Word saving format developed by gVectors Team www.gVectors.com