Претседателот на САД, Доналд Трамп, по нападот кај „Лувр“ во Париз, наведе дека Америка мора да се опамети.
Новиот шеф на Белата куќа рече дека напаѓачот е „радикален исламистички терорист“, користејќи го терминот кој и претходно го користел за такви напади.
„Нов радикален исламистички терорист штотуку извел напад во музејот „Лувр“ во Париз. Туристите биле заклучени. Франција повторно е на раб. ОПАМЕТИ СЕ АМЕРИКО“, напиша Трамп на „Твитер“.
A new radical Islamic terrorist has just attacked in Louvre Museum in Paris. Tourists were locked down. France on edge again. GET SMART U.S.
— Donald J. Trump (@realDonaldTrump) February 3, 2017
Маж вооружен со мачета нападна и полесно рани војник во центарот на Париз, во близина на музејот „Лувр“, извикувајќи „Алах е голем“ (Алаху акбар). Тешко е повреден откако друг војник пукал во него, а француските власти покренаа истрага за нападот, кој го окарактеризираа како терористички.
Засега нема информации за идентитетот на напаѓачот, кој е жив и покрај повредите.
Началникот на париската полиција Мишел Кодо потврди дека напаѓачот имал мачета и две торби и се обидел да влезе во подземниот трговски центар кај „Лувр“, пренесуваат француските медиуми.
