Еврокомесарот за проширување и за добрососедска политика, Јоханес Хан, в понеделник доаѓа во дводневна посета на Скопје.
В понеделник е предвидено тој да има средба со претставници на политички партии и со премиерот Зоран Заев, по што ќе даде кратка изјава. Засега нема информации дали еврокомесарот ќе се сретне со претседателот Ѓорге Иванов.
Во официјалната програма не е предвидена средба со претставниците на граѓанските организации, но како што ни соопштија, не е исклучена можноста да има неформална средба со нив.
Главна тема на средбите ќе биде спроведувањето на реформските приоритети и имплементацијата на планот „3-6-9“.
Дводневната посета ќе ја заврши со прес-конференција, на која ќе даде оцена за постигнатиот прогрес и за разговорите со политичките претставници.
