Прекуграничниот саем на Инструментот за претпристапна помош (ИПА) за добри практики и за правилно користење природни ресурси денеска почнува во Струга. На саемот ќе бидат претставени рачни изработки и традиционални јадења од пограничните општини од Македонија и од Албанија.
Саемот претставува заокружување на проектот „Подобрување на прекуграничната заштита и развој на планинскиот масив Јабланица-Шебеник“, што го спроведоа Македонското еколошко друштво, Здружението за заштита и зачувување на природата во Албанија и Фондацијата „Еуронатур“ од Германија.