Заменик-министер за одбрана на Република Македонија, Арбен Лабеништа, поднел оставка на својата функција.
Лабеништа ја образложил оставката со тврдењето дека не сака да биде во влада со луѓе што со погрдни називи ги ословуваат Албанците. Во подолгиот напис, објавен на неговиот фејсбук-профил, тој наведува бројни причини за неговото целосно повлекување, а се засноваат на неговото незадоволство од начинот на кој ДУИ се однесува во текот на актуелната политичка криза и од односот на Владата кон важните државни прашања.
