Премиерот Зоран Заев информираше дека српскиот претеседател Александар Вучиќ потврдил дека Србија на Македонија ќе и помогне со 8.000 вакцини од „Фајзер“.
„Имаме убава, среќна вест. Добиваме 8.000 „Фајзер“ вакцини од Србија. Претседателот Вучиќ денес ми потврди дека Србија ќе ни помогне со вакцини од нивната набавка, кои ќе ги платиме по набавна цена.
Ова е чин на солидарност на нашиот сосед и зацврстување на нашето пријателството. Во тек се преговори околу техничките процеси за доставување на вакцините, а со првите дози ќе се вакцинираат здравствените работници, хронично болните лица, возрасните и други ризични категории,“ напиша Заев на неговиот фејсбук-профил.
