Претседателот на СДСМ, Зоран Заев, денеска се сретна со амбасадорот на Словенија, Бранко Раковец.
Тема на состанокот беа шансите за продолжување на разговорите од Брисел и можностите за решавање на политичката криза во Македонија низ дијалог.
– СДСМ е ориентиран кон наоѓање решение по мирен пат и утврдува чекори во таа насока. Она што е неоходно е владата што треба да ги организира следните избори во Македонија да не ја води креаторот на кризата и да се утврдат контролни механизми што ќе спречат понатамошни злоупотреби и криминални активности во предизборни цели – рече Заев.
Како што пишува во соопштението на СДСМ, партијата веќе ги разгледува механизмите што ќе ги употреби ако во наредните десет дена нема разговори и договор за начинот на разврска на кризата.
