Премиерот Зоран Заев денеска во 15 часот ќе одржи прес-конференција на која ќе го презентира договорот за добрососедство со Бугарија.
Како што соопшти владината прес-служба, Заев во придружба на шефот на македонската дипломатија, Никола Димитров, ќе ја информира јавноста за усогласениот текст на договорот за пријателство, добрососедство и за соработка со Република Бугарија, кој беше усвоен на синоќешната владина седница.
Претседателот Ѓорге Иванов вчера ја повика Владата да го објави и да го образложи текстот на договорот за добрососедство со Бугарија пред неговото потпишување. Тој истакна дека отсуството на транспарентност предизвикало негативни коментари и загриженост во јавноста, кои треба да се надминат со објавување на текстот на договорот.