По двата случаи со пронајденото оружје и муниција за три дена и по денешната лажна дојава за подметната бомба во белградската населба Белвил, во која се наоѓа и станот на Александар Вучиќ, премиерот на Србија наложи надлежните безбедносни органи да не излегуваат во јавност со информации за тие случувања.
Вучиќ, како што пренесоа медиумите, денеска не дојде на работа во просториите на владата, ги откажа и сите состаноци, а неговите соработници велат дека не знаат каде се наоѓа и што е причината за неговото отсуство.
Медиумите неофицијално пренесоа дека во согласност со наредбата на Вучиќ, информациите за оружјето пронајдено во саботата близу неговата куќа и вчера во една гаража во Нов Белград, нема да бидат изнесени во јавност сè додека истрагата не заврши.
