Вооружени лица држат неколкумина заложници, по, како што изјавиле полициски извори, обид за грабеж на продавница на „Примарк“ во северниот дел на Париз, јавува „Би-Би-Си“.
„Некаде околу 10 луѓе се држат внатре како заложници“, изјавиле полициски извори, додавајќи дека на местото се испратени специјалните полициски сили.
Полицијата утринава го затворила сообраќајот во околината на трговскиот центар „Кварц“, а затворени биле и другите продавници во соседството.
„Околу 4.30 часот (според средноевропско време) двајца или тројца вооружени разбојници, влегле во продавницата на „Примарк“, за, според информациите што засега ги имаме, да извршат вооружен грабеж“, рекле полициски извори за агенциите.
