Водата за пиење во тетовското населеното место Џепчиште, кое беше зафатено со поплавите, е исправна за пиење, соопшти Министерството за здравство.
„По извршеното чистење и дезинфекција на резервоарот, добиени се резултати дека водата одговара на прописите за безбедност на вода, односно е исправна за пиење, со задолжително продолжување на континуираните мерки за одржување на ова ниво на безбедност и воведување континуирана дезинфекција и хлорирање“, стои во соопштението од Министерството.
Од министерството потсетуваат на препораките за заштита на здравјето, кои се однесуваат на користење пакувана, превриена или дезинфицирана вода за пиење, за миење на забите, миење и подготовка на сирова храна, како и за миење на садовите.
