Кумановската полиција поднела кривични пријави против тројца жители на селото Брзак, осомничени дека се обиделе да ограбат единаесетмина илегални мигранти од Сирија и од Палестина, соопшти полицијата.
Осомничените К.И. (51), Д.И. (30) и А.Ј. (21), се товарат за кривично дело разбојништво.
Според полицијата, тие во саботата, на 21 март, маскирани и облечени во војнички униформи, заканувајќи се со гасни пиштоли, се обиделе да ограбат девет сириски и два палестински мигранти, во близина на железничката станица во селото Брзак. Но, при обидот, дошло до физичка пресметка меѓу мигрнатите и осомничените, откако еден од нив истрелал куршум од пиштолот.
Од полицијата, додаваат дека судија на претходна постапка на осомничените им одредил мерка притвор од 30 дена.
