Сообраќајците од секторот за внатрешни работи Скопје во текот на вчерашниот ден изрекле вкупно 144 казни за различни прекршоци, соопштува Министерството за внатрешни работи (МВР).
„Меѓу казнетите има за возење повеќе од дозволената брзина (47 санкции), потоа изречени се и седум мерки за возење без возачка дозвола, три санкции за минување на затворен сигнал (црвено светло), седум мерки за користење мобилен телефон при возење“, информира МВР.
Оттаму додаваат дека сообраќајните контроли продолжуваат и во наредните денови.
„Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат во МВР.
