Во голем пожар, кој синоќа зафати хотел во скијачкиот центар Јасна во Словачка, еден човек загина и седуммина се повредени, а од хотелот се евакуирани 137 луѓе.
Пожарот во хотелот, кој се наоѓа во Демановска долина на северот на Словачка, избил по полноќ, а вработените не успеале да спасат 61-годишен гостин, кој се задушил од густиот чад.
Во пожарот биле повредени седум лица, а четворица, меѓу кои и едно бебе, биле пренесени во болница. Пожарникарите се обидувале да го изгаснат пожарот кој зафатил седум ката од хотелот.