Рано утрово, во пожар целосно изгоре ученичкиот дом во дебарската населба Венец, кој долги години е надвор од функција и во него беа сместени неколку бездомни семејства, пренесува „Канал 5“.
Како што јавува телевизијата, пожарот избувнал околу 5 часот.
Засега нема информации за настрадани, а пожарникарите кои интервенирале веднаш по добиениот повик, успеале да спасат едно лице, на вториот кат на објектот, на кое веднаш му била укажана лекарска помош.
Во објектот повеќе од две години живееле три семејства.
Дебарската противпожарна бригада интервенирала со шест возила и со 15 пожарникари.