Хирурзи во Њујорк за првпат во историјата успеаја да извршат пресадување на цело око на човек, иако не е сигурно дали пациентот со сигурност ќе го поврати видот на окото, пишува Би-би-си.
46-годишниот Арон Џејмс е пациентот врз кого е извршена трансплантацијата. Претходно тој преживеал силен електричен удар, а половина од неговото лице било подложено на оперативни зафати и трансплантација.
Експертите наведуваат дека операцијата на њујоршките хирурзи е клучен момент во историјата, кој може во иднина да го спаси видот на милиони луѓе ширум светот.
Пациентот на 27 мај годинава поминал низ ретка трансплантација на дел од неговото лице, додека во пресадувањето на окото биле вклучени над 140 здравствени работници.
Њујоршките хирурзи велат дека Џејмс добро закрепнува по двојната трансплантација и дека донираното око е во добра кондиција. Тој може да гледа со десното око.