Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава изнесува 766, а има околу 450 празни болнички кревети во ковид центрите, соопшти Министерството за здравство.
Во изминатите 24 часа во ковид центрите во болниците низ земјава е пријавено дека се лекуваат вкупно 426 пациенти позитивни и суспектни на корона вирусот. Според извештаите на дневна основа, кои се менуваат зависно од извршените исписи на болни, во болницата во Битола се хоспитализирани 30 пациенти, во Штип се хоспитализирани 42 пациента, на инфективното одделение во Тетово има 17 пациенти, во Велес се лекуваат 31 болен, а во Куманово 55 пациенти. Во ковид центарот во Охрид се хоспитализирани 50 пациенти, во Прилеп 53, во Гостивар 16, а во Струга 28 болни. Во болницата во Струмица се хоспитализирани 49 пациенти, во Кочани 18 во Кичево 12, Кавадарци 23, во Гевгелија 12 лица, а во Дебар 10 позитивни и суспектни на корона вирусот.
Сите одделенија на клиничките болници располагаат со болнички места до кои ма довод на кислород, соопшти Министерството за здравтсво, и доколку има потреба одделенијата ќе бидат дополнително проширени.
