Повеќе од 82.000 бегалци влегле во Хрватска од почетокот на бегалската криза, објави хрватското министерство за внатрешни работи на својата интернет-страница.
Во соопштението се наведува дека до вчера, до 21 часот, на хрватските граничните премини Товарник и Бапска, влегле повеќе од 4.500 лица, кои потоа биле пренесени кон границата со Унгарија.
Во привремениот прифатен центар во Опатовац, во моментот се наоѓаат околу 250 лица, а во текот на ноќта и во следните денови се очекува зголемување на бројот на бегалците кои пристигаат од Србија, стои во соопштението.