На мигрантите што останале во кампот Џунгла во пристаништето Кале, дозволено им е да спијат во преостанатите засолништа кои не се уништени.
Хуманитарните организации поделиле ќебиња и храна за најмалку 70 лица, вклучувајќи десетина малолетници.
Британската влада потсети дека Франција мора „правилно да ги заштити“ децата бидејќи многу деца и младинци спиеле на отворено.
Повеќе од 5.800 лица се евакуирани од кампот минатата недела.
Кампот е речиси целосно напуштен. Демолирањето продолжува, а властите најавија дека кампот Џунгла ќе биде исчистен до понеделник, 31 октомври.