Токму општините раководени од СДСМ, Куманово и Струмица, се едни од најзагадените општини во земјата и оттаму стигнуваат информации за зголемен број граѓани кои се жалат на квалитетот на воздухот и влијанието врз нивното здравје, се вели во реакцијата на ВМРО-ДПМНЕ на прес-конференцијата на Пеце Мирчески од СДСМ.
„Тие зборуваат за гасификацијата, а забораваат да кажат дека токму овие два града, за кои се запенија од зборување дека наводно ги гасифицирале, се едни од градовите со највисоко ниво на загаденост. Овој факт целосно го поразува концептот на аболираниот Заев и на СДСМ и нивните нереални ветувања кои во континуитет ги даваат. Тоа само покажува дека во овие градови не е направено ниту „г“ од гасификација на домаќинствата и сè е само виртуелно и фиктивно за партиски фирми на СДСМ да се богатат“, се вели во соопштението на ВМРО-ДПМНЕ.
Од партијата додаваат дека работат на решавање на проблемот со квалитетот на воздухот, а дека не даваат само нереални и од ракав истресени предлози и проекти.