Непознати лица синоќа ја ограбиле канцеларијата на началникот на службата за организиран криминал, Жељко Долачки, во зградата на Министерството за внатрешни работи во Загреб.
Информацијата за кражбата ја потврди и загрепската полиција. Хрватските медиуми наведуваат дека според неофицијални информации, украдени се 280.000 евра и два килограми злато од сефот.
Крадците, наводно, влегле во канцеларијата на вториот кат преку надворшените пожарникарски скали.
Сè уште не се знае дали покрај парите и златото се украдени и доверливи документи.
