Укинати се забраните за сообраќај на патниот правец Ресен – Прилеп и кај обиколницата на Битола. Сообраќајот е нормализиран за сите видови моторни возила.
Во нормални услови се одвива и сообраќајот на патниот правец Скопје – Велес. Одронот е исчистен, но од превентивни причини сообраќајот се одвива по една коловозна лента во должина од 500 метри, за што е поставена соодветна сообраќајна и светлосна сигнализација.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Особено внимание е потребно на делниците што минуваат низ клисурите и низ засеците, односно на патните правци Катланово – Велес, Маврово – Дебар – Струга, Демир Капија – Удово, Кочани – Делчево и Виница – Берово, каде е можна почеста појава на одрони.