ДУИ бара нов закон со кој целосно ќе се официјализира албанскиот јазик и ќе им стави крај на сите проблеми што се појавуваат во употребата на двојазичноста.
– Ние секогаш велиме дека прашањето на јазикот остана отворено, не е затворено. Бараме нов закон, кој ќе биде компатибилен со Уставот на Република Македонија, во согласност со Охридскиот договор, така како што се гарантира. Охридскиот договор го гарантира како втор службен јазик – вели за „Алсат М“ Рафис Алити, пратеник од ДУИ и потпретседател на парламентот.
