Турската полиција привела осум лица на главниот истанбулски аеродром „Ататурк“, поради сомневање дека се поврзани со Исламска држава, јавуваат турските медиуми.
Групата приведени патници доцна синоќа допатувале од Казабланка во Истанбул на одмор. Иако тврделе дека имаат хотелски резервации, полицијата не успеала да најде доказ.
8 suspected #ISIS militants detained at #Istanbul Atatürk Airport https://t.co/VoykOvUBXF – @HDNER #Turkey pic.twitter.com/ddWSdi5ILv
— Syria Intelligence (@syriaintel) November 18, 2015
Кај еден од патниците е пронајдено парче хартија со нацрт-план како може да се дојде до Германија со автобус, брод или воз.
Од почетокот на годинава, турските власти привеле повеќе од 1.000 лица поради поврзаност со исламските милитанти.
Официјална Анкара во јули објави „војна на тероризмот“. Околу 300 лица досега се формално обвинети.
Борбата против радикалните џихадисти се интензивираше по минатонеделните напади во Париз, при што загинаа 129 лица.