Твитер стави стотици предмети од своето седиште во Сан Франциско, САД на онлајн аукција. За статуетката со познатото лого со птицата во моментов се понудени 11.000 американски долари, а остануваат уште неколку часа за наддавање, јави Би-би-си.
Жардиниерата висока 190 сантиметри во форма на симболот „@“ веќе чини над 4.300 долари.
Продажбата на предметите доаѓа откако по големите кратења на трошоците што новиот сопственик Илон Маск ги направи во компанијата откако го купи Твитер за 44 милијарди долари минатата година.
Twitter has placed hundreds of items from its San Francisco Headquarters up for auction online.
A statue of the famous bird logo, a planter in form of the @ symbol, coffee makers, printing equipment were put on auction in a bid to reduce costs and raise extra money.#KIIS100 pic.twitter.com/C9Z6RRBTtb
— KIIS Uganda (@KIIS_100) January 18, 2023
Откако ја презеде функцијата прв човек на Твитер, Маск отпушти околу половина од вработените, чиј број тогаш изнесуваше 7.500 лица.
Како што јавува Би-би-си, Маск стави крај на многу привилегии во Твитер, меѓу кои и бесплатните оброци за вработените.
Сега на продажба се и дел од кујнските апарати, како неколку висококвалитетни машини за кафе и фонтана за газирани пијалaци.
Твитер продава и опрема за печатење, па дури и комплети мали фиоки, за оки во моментов се понудени нешто над 60 долари.
Маск во ноември твитна дека компанијата забележала голем пад на приходите по заминувањето на неколку големи огласувачи. Тој, исто така, предупреди дека Твитер може да банкротира.
Подоцна се појави и информацијата дека компанијата, наводно, не плаќала кирија во канцелариите ширум светот, вклучително и во седиштето во Сан Франциско, каде што сопственикот на објектот поднел тужба поради неплаќањето.
Компанијата што ја спроведува аукцијата тврди дека продажбата на мебелот во Твитер нема никаква врска со враќањето на трошоците од купувањето на компанијата за 44 милијарди долари.
