Турскиот премиер Ахмет Давутоглу го осуди, како што се сомнева, рускиот воен напад на сирискиот град Идлиб, додавајќи дека сириската територија нема да биде дел од „руските империјалистички цели“.
Во воздушните напади на 20 декември, биле погодени луѓе во центарот на бунтовничкиот град на северозападот на Сирија, на особено прометен градски пазар, неколку владини згради и станбен блок.
Русија не се огласи за тоа дали иле не ја гаѓала таа област.
Турција, која се залага за соборување на сирискиот претседател Башар ал Асад, остро ја критикува руската улога во судирите во Сирија. Москва, пак, е долгогодишен сојузник на Асад.
Говорејќи пред членовите на својата владејачка Партија на правдата и развојот (АКП) во парламентот, Давутоглу, исто така, рече дека Турција ќе продолжи да пружа воена обука и поддршка во вид на опрема на Ирак сè додека Мосул не биде ослободен.
