Грчкиот премиер Алексис Ципрас му ја предаде својата оставка на претседателот Прокопис Павлопулос и побара што побрзо да се одржат предвремените избори.
– Сегашниот Парламент не може да понуди мнозинска влада или влада на национално единство – рече Ципрас.
Тој додаде дека народот треба да пресуди дали соодветно ги претставувал во борбата со странските кредитори.
– Политичкиот мандат од изборите од 25 јануари е исцрпен и сега е на грчкиот народ да каже што има – рече Ципрас во телевизиското обраќање.
Ципрас се одлучи за предвремени избори со цел да ја консолидира својата позиција, откако речиси третина од пратениците од неговата партија СИРИЗА одбија да ја поддржат програмата за реформи, која минатата недела се најде во парламентот.
