Тројца млади Евреи денеска нападнаа палестинско момче во Ерусалим, соопшти полицијата.

Портпаролката на полицијата, Луба Самри, соопшти дека нападнатото момче е во добра состојба во ерусалимска болница и оти полицијата го истражува нападот.

Палестинците тврдат дека израелската влада планира да им дозволи на Евреите да се молат во спорното светилиште Свет рид. На овој локалитет, своевремено се наоѓале древните еврејски храмови, но сега на нивно местo се наоѓа џамијата „Ал Акса“, трета по значење во исламот.