Најмалку 31 лице загинаа, а повеќе од 70 се повредени при судир на два воза во Иран, јавија локалните власти на северната покраина Семнан.
Отворена е истрага за да се утврди причината за несреќата која се случила на станицата Хафт-Кан во градот Шахруд, околу 400 километри источно од Техеран.
– Бројот на мртвите се зголеми на 31 лице, но очекуваме и понатаму да се зголемува – рече гувернерот на покраината Семнан, Мохамед Реза Хабаз.
Возот кој возел на една од најдолгите линии во Иран, од градот Табриза кон Машхаду, бил принуден да запре поради механички дефект предизвикан веројатно од студеното време, а на него налетал друг патнички воз.
Засега нема податоци колку патници имало во возот, но странските агенции јавуваат дека стотина лица се спасени.
