fbpx

ТАВ: По дојавата за бомба, летовите не се откажани, но сообраќајот е моментално запрен

-

Летовите не се откажани, но сообраќајот е моментално запрен, сé додека не добиеме
известување од МВР дека е безбедно операциите на аеродромот да продолжат
по редовниот распоред, информираа денеска од ТАВ Македонија, откако скопскиот аеродром доби дојава за поставена бомба. Освен аеродромот, дојава добија и десетици училишта, хотели, како и трговски центри.

„Меѓународниот аеродром Скопје утрово преку електронска пошта прими закана за поставенa експлозивнa направa. Информацијата веднаш беше пријавена до Министерството за внатрешни работи, a истовремено целиот персонал и сите патници и/или минувачи кои беа затекнати на аеродромот беа безбедно евакуирани, додека единици на Министерството за внатрешни работи прават проверка на објектите на аеродромот“, информираа оттаму.

Мејлови со дојави за поставени експлозивни направи денеска стасале до повеќе училишта, хотели, спортски објекти, како и до скопскиот аеродром. Како што информира Министерството за внатрешни работи, закани за бомби стасале на електронските адреси на десет училишта во Скопје и пет во Битола, како и во Фудбалската федерација на Македонија, хотел „Александар Палас“, хотел „Мериот“, трговски центар „Ист Гејт“, спортска сала „Борис Трајковски“ и Меѓународен аеродром Скопје.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ЦУК: Спасен овчар и стотина негови овци, биле заглавени на остров на надојдената Црна Река

Центарот за управување со кризи соопшти дека е спасен овчар кој, заедно со неговите овци, ненадејно се нашол на речен остров, откако реката Црна надошла. „На Единствениот број за итни...