Портпаролот на пакистанските талибанци, Мухамад Корасани, негираше дека милитантната организација стои зад нападот на Универзитетот „Бача Кан“, на северозападот на земјата, во кој загинаа 21 лице, а ранети се околу 60.
Изјавата доаѓа откако еден командант на талибанците изјави дека четворица негови борци го нападнале универзитетот.
Пакистанската полиција соопшти дека нападот е завршен и оти убиени се четворица напаѓачи.