Најдобро архитектонско дело во 2014 година е Спортскиот центар „Јане Сандански“, реши Асоцијацијата на архитекти на Македонија. Спортскиот центар го изработи архитектонското студио „Радо инженеринг“, а одговорни проектанти се Ѓоко Радовановиќ и Горан Тодоровиќ.
„Архитектот создава дела од човекот за човекот, за сегашните, но и за наредните генерации. Оттука, архитектот е создавач и уметник, а неговата дејност е меѓу најважните во животот на луѓето и во развојот на општеството. Архитектот ги замислува и ги оформува просторот и амбиентот во кои секојдневно живееме, престојуваме и дејствуваме“, рече претседателот Ѓорге Иванов, кој ја врачи наградата во Музеј на Град Скопје.
Претседателот Иванов е покровител на оваа традиционална манифестација на доделување на годишната награда за архитектура.