Неколку медиуми на српски јазик вчера проширија дезинформација дека полицискиoт час за Велигден во Северна Македонија ќе трае, ни помалку, ни повеќе – туку пет дена!
Консултирајќи ги фактите – она што го објави македонската влада за продолжениот полициски час за Велигден, какo и за тоа што го пренесоа македонските и поголем дел од балканските медиуми, навистина е чудно од каде се појавила ваквата дезинформација, што ја пласираат, меѓу другите, и telegraf.rs, дека следниот голем полициски час во Македонија ќе почне в четврток во 16 часот и ќе трае до вторник во 5 часот.
Притоа, српските медими се повикуваа на македонски медиуми – и притоа не поставија ниту една врска (линк) до такви содржини во македонски медиуми. Поради тоа е сомнително од каде е дојдена ваквата дезинформација, од што се раѓа некаков заклучок дека не постои ниту една солидна основа за вакво тврдење, односно дека станува збор за најгруба дезинформација.
Ова е посебно поткрепено од фактот дека основниот извор на информации за посебните мерки е македонската влада, а на нејзиниот сајт нема информација за почеток на полициски час од четврток од 16 часот, туку, како што стои во соопштението, од петок до 16 часот.
