Министерот за внатрешни работи на Србија, Небојша Стефановиќ, денеска соопшти дека е пресечен голем синџир за шверц на оружје кон Франција. Уапсени се двајца српски државјани во акција на полицијата во Нови САД.
Стефановиќ истакна дека апсењето се случило синоќа, а акцијата, која траела неколку месеци, ја спровела новосадската полиција во соработка со жандармеријата.
– За време на апсењата, во возилата се запленети два пушкомитралези, нешто повеќе од три килограми експлозив, два автомати и поголемо количество муниција – прецизираше Стефановиќ.