Во сите средни училишта во Источна Македонија редовно се изведува настава, а почнаа и активностите со матурските испити. Во тек е оценувањето на матурските задачи. Во гимназијата „Славчо Стојменски“ во Штип, потврдија дека математика ќе се полага и тоа во еден клас, со математичка насока. Другите шест класа нема да полагаат математика.
Во училиштата сè уште има дилема дали полагањето матура ќе биде на стариот начин или на нов, според кој, во текот на два дена се полага по еден предмет.
Бојкот на наставата нема, а членовите на „Средношколски пленум“ се пожалија на партиски притисок врз нивните родители со предвремени најави за можни законски казни доколку нивните деца ја бојкотираат наставата.
