Ne mbështetim komisarin Han dhe theksojmë se bisedimet duhet të vazhdojnë në formatin e njëjtë që të jepet mundësi që të arrihet konsensus për krizën politike në Maqedoni- deklaroi ambasadorja e Francës në Maqedoni, Lorens Oer. Ky është reagimi i parë i komunitetit ndërkombëtarë pas bisedimeve të pasuksesshme mbrëmë në Bruksel.
Ajo sot shtoi se duhet të vazhdohen reformat në drejtim të organizimit që të ketë zgjedhje sa më të mira që parashihen për vitin e ardhshëm.
“Bisedimet mbrëmë përfunduan vonë dhe ishin vazhdimësi e marrëveshjes së 2 qershorit. Unë edhe njëherë do ta them mendimin tim se alternativën që e propozoi komisari Han duhet të mbështetet, me atë që dialogu politik mes katër liderëve në Maqedoni të vazhdohet derisa të gjendet kompromis- deklaroi Oer.
BE kërkon nga Maqedonia që të plotësoj disa kritere sa i përket ngjarjeve të fundit në vend që të gjendet epilog legal ndaj rasteve të fundit, shtoi ambasadorja franceze.
