Собранието денеска во 11 часот ќе го има седмото продолжение на конститутивната седница на која точки на дневен ред се изборот на членови и претседател на Комисијата за избори и менувања и изборот на претседател на Собранието.
Пратениците вчера, како и целата измината седница, воопшто не расправа по овие две точки туку се надмудруваа и меѓусебно се обвинуваа.
Вчера за прв пат после 30 декември во Собранието како пратеник се појави лидерот на ВМРО-ДПМНЕ, Никола Груевски кој во пратеничката клупа се задржа околу еден час, а по паузата ја напушти седницата.
Пратениците на СДСМ го обвинија поранешниот шеф на УБК, Сашо Мијалков дека во јануари и во март потрошил шест милиони евра за да купи депо за нафта и бензински пумпи.