fbpx

Со зборови кои шират говор на омраза, испишан графитот-виножито во Штип

-

Ѕидот на Градскиот стадион во Штип стана место на содржини што шират говор на омрaза, кои беа испишани преку свежо обоениот графит-виножито, симболот на ЛГБТ-заедницата. Виножитото што го исцртале активисти од Битола, со издадена дозвола од Општина Штип, „преживеа“ само 12 часа, за во текот на вечерта да осамне со испишана порака со големи бели букви, во кои се посакува „смрт од СИДА“.

Први за овој вандалски чин алармираа корисниците на социјалните мрежи.

„Сторителот на ова се знае, ама како и претходно така и сега полицијата нема да превземе ништо бидејќи се нивни блиски луѓе,“ пишува корисник на Твитер.

Со години, оградата на Градскиот стадион од Штип е место за уметнички графити. Неретко тоа биле акции на уметници во рамките на одредена манифестација или уметничка инсталација. И овој пат, за цртањето на графитите е добиена дозвола од Општина Штип. Меѓутоа, како што соопштуваат од Општината, не одело сè според договореното.

– Дозволата е издадена на активисти од Битола за илустрирање на ѕидот со графити. Меѓутоа, се работи за недоразбирање, бидејќи активистите не се придржувале на договорот – изјави Трајче Стојановски, портпарол на Општина Штип.

За какво недоразбирање се работи и дали виножитото ќе значи и повлекување на дозволата, од Општината не одговорија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Метаморфозис се приклучува на осудите на физичкиот напад над новинарката на хрватски Фактограф

Фондацијата Метаморфозис, како членка на Европската мрежа за стандарди при проверката на факти (EFCSN), и на Меѓународната мрежа за проверка на факти (IFCN) се приклучува на осудите на нападот на новинарката...