Битолската полиција поднела кривични пријави против И.Н. (29) и З.К. (40), осомничени дека со туѓа кредитна картичка купувале облека преку интернет.
Како што информираат од полицијата, против И.Н. била поднесена кривична пријава за кражба, додека З.К. се товари за оштетување и за неовластено навлегување во компјутерски систем.
Според полицијата, првоосомничената, на 22 номеври минатата година, на банкомат во Битола пронашла и присвoила дебитна картичка, сопственост на лице од Битола, а потоа, заедно со З.К., ја искористила картичката за купување облека преку веб-страница на интернет.
Вкупната материјална штета што ја предизвикале била проценета на околу 32.000 денари.