Поранешниот разузнувач Слободан Богоевски вечерва е приведен од полицијата на отслужување затворска казна за случајот „Агент“, јави „Нова ТВ“.
Во судењето за „Агент“, кое траеше два месеца, шесттемина обвинети се товареа дека преку фиктивни договори и фиктивни фирми-ќерки на кипарски „Централ балкан инвестмент“ и словенечки „Меркатор“ переле пари.
Тие го негираа обвинението и тврдеа дека со договорот за купопродажба на плацот со површина од 19.000 квадратни метри во близина на Спортскиот центар „Борис Трајковски“, ја спасиле Македонија од тужба пред арбитражен суд бидејќи продала земјиште што било за денационализација.
Обвинетите, покрај казната затвор, треба да платат отштета околу 950.000 евра, средства кои, според пресудата, се смета дека се стекнати со дејство на кривичните дела злоупотреба на службената положба и перење пари.
Во почетокот на февруари годинава, Апелацискиот суд ја потврди првичната пресуда, во која Богоевски, адвокатот Владо Пешликоски и претставникот на „Меркатор“, Митја Валич, се осудени на две години затвор, додека три години доби адвокатот Васко Томановиќ за финансиски малверзации.
