Силни ветрови урнаа бина на митинг во Мексико. Потврдени се најмалку девет загинати, меѓу кои и дете, како и најмалку 63 повредени, пренесува Би-би-си.
Несреќата се случи за време на говорот на претседателскиот кандидат Хорхе Алварез Мајнез во градот Сан Педро Гарза Гарсија, во близина на Монтереј. Мајнез не бил повреден во несреќата.
BREAKING: Stage collapses during political rally in northeast Mexico. At least 4 dead, many injured pic.twitter.com/9Aik66gdyv
— BNO News (@BNONews) May 23, 2024
Се ширеа снимки по социјалните мрежи од моментот на несреќата каде се слуша силниот ветер и се гледа како одеднаш паѓа целата бина врз публиката.
Претседателот на Мексико Андрес Мануел Лопез Обрадор, како и другите претседателски кандидати изразија сочувство за семејствата на загинатите.
Кандидатот Мајнез најави дека ќе стави пауза на идните митинзи.
Инаку, Мајнез е кандидат од партијата Граѓанско движење која гравитира кон центар-лево. Според најновите анкети, тој е на трето место зад неговите противкандидати Клаудија Шејнбаум од владејачката партија Морена и Сочил Галвез од опозициската коалиција.
Мајнез се приклучи релативно доцна во претседателската трка поради несогласувања со неговиот сопартиец Самуел Гарсија, кој воедно е и гувернер на Нуево Леон, сојузната мексиканска држава во која се случи несреќата.
Гарсија сакал тој да е кандидатот на својата партија, но не сакал да се откаже од функцијата гувернер. Затоа Мајнез, менаџер на кампањата на Гарсија, го зел неговото место и официјално се кандидирал во јануари, четири месеци откако неговите противкандидати се кандидирале. Тоа што Мајнез претходно бил фигура зад сцените значи дека не ѝ многу познат на мексиканската јавност.
Дополнително, околу 200 јавни функционери, политичари и кандидати биле убиени или уценети во предизборниот период во Мексико. Досега немало пријавено инциденти на митинзи.
