fbpx

Maж се полил со бензин и се самозапалил пред зградата на хрватската Влада

Лицето е пренесено на интензивна нега на Клиниката за трауматологија, во тешка и животозагрозувачка состојба

-

Maж се полил со бензин и се самозапалил утрово пред зградата на Владата на Хрватска. Пред зградата на Владата видно шокиран бил и премиерот Андреј Пленковиќ кој веднаш го повикал министерот за здравство Вили Берош и координирале акција за згрижување на лицето, пренесува „Јутарњи“. На местото на несреќата одекнуваат сирени на полиција и на Итна медицинска помош.

Како што се наведува, лицето е пренесено на интензивна нега на Клиниката за трауматологија, во тешка и животозагрозувачка состојба, а лекарите ќе дадат повеќе детали околу пладне.

Сведок и очевидец за „Јутарњи“ изјавил дека мажот, во непосредна близина на Владата, видно вознемирен, се полил со гориво.

За настанот веднаш биле известени луѓето од обезбедувањето, но додека да реагираат, човекот веќе бил зафатен од пламените јазици. Од полицијата информирале дека добиле пријава за настанот во 9 и 37 часот.

„Согласно првичните информации, лицеето се самозапалило и Итна помош веднаш била испратена на местото на несреќата. Во моментов се утврдуваат причините за настанот“, соопштиле кусо од полицијата.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Двајца полицајци се сомничат дека примиле поткуп за да не констатираат сообраќаен прекршок

МВР до Основното јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на...