Земјотрес со сила од 6,7 степени според Рихтеровата скала денеска го погоди јапонскиот северозападен остров Хокаидо, но не е објавено предупредување за цунами, соопшти јапонската метеоролошката агенција.
Претставниците предупредуваат дека би можело да има одредена промена во нивото на морето.
Засега нема извештаи за штети од потресот, кој бил почувствуван и на руските Курилски Острови.
Не се пријавени нерегуларности во двете нуклеарни електрани на северот на Јапонија, кои се затворени по катастрофата во Фукушима во март 2011 година, за да се извршат безбедносни проверки.
