Земјотрес со јачина од 7,9 степени по Рихтеровата скала го погоди брегот на Индонезија, а засега нема извештај за повредени лица и за причинета штета.
Институциите прогласија опасност од цунами.
Тектонското нарушување се случило на југозападниот остров Суматра, на длабочина од 10 километри и на 808 километри оддалеченост од градот Паданга.
Најпрво е регистриран потрес со јачина 8,2 степени, а потоа е утврдено дека силината на земјотресот е 0,3 степени помала.
Пред 12 години, земјотрес со јачина од 9,1 степени според Рихтеровата скала го погоди северозападниот брег на Суматра и предизвика цунами во кое настрадаа 230.000 луѓе.
