Околу 30.000 деца без придружба на родители или старатели до крајот на годинава ќе побараат азил во Шведска, процени шведската канцеларијата за миграција.
Шведската влада претходно процени дека бројката на деца без придружба до крајот на годинава ќе достигне околу 12.000.
Весникот „Експресен“ наведува дека властите во земјата на сите можни начини се обидуваат да пронајдат простор за сместување на пристигнатите бегалци.
Минатата недела шведските власти соопштија дека годинава забележале рекорден број на барања за азил, односно дека досега се поднесени 86.223 барања за азил.