Подземната железница во Лондон денеска е затворена поради штрајкот на вработените, кои се противат на плановите за викенди да работат 24 часа.
Поради затворањето на лондонското метро, познато како „Тјуб“, илјадници патници морале да најдат превоз до работа. Воведени се дополнителни автобуси во градскиот превоз, а многу жители на Лондон одлучиле да изнајмат велосипеди.
Членовите на синдикатот запреа со работата поради спорот околу воведувањето 24-часовна работа на метрото за викендите. Тврдат дека управата мора да вработи нови луѓе за да се покријат дополнителните смени, а претпоставените, пак, велат дека им понудиле зголемување на платите и на бонусите.