Жителите од охридското село Слатино, кое од милост си го нарекуваат македонски Кумровец поради потеклото на еден од нашите политичари, ноќеска забележале крадец кој излегува од од една од куќите во селото.
Како што дознаваме, тие го сочекале на излезот од селото и го фатиле, по што случајот го пријавиле во охридската полиција.
Настанот го потврди портпаролот на СВР Охрид, Стефан Димоски.
– Во моментов во Секторот за внатрешни работи во Охрид, се води разговор со едно лице во врска со околностите околу обидот за кражба и околу тоа дали при кражбата имало и други соучесници – информира Димоски.
СВР Охрид работи на расветлувањето на случајот.
