Германски научници од експедиција која подолг период го истражува дното на Охридско Езеро, продолжуваат со испитувањето на земените примероци. Тие веќе излегоа со детален извештај за резултатите од истражувањето.
Земените примероци се од средината на езерото, врз основа на кои научниците дошле до резултат дека Охридско Езеро е најстарото езеро во Европа, старо најмалку еден милион години.
– Екосистемот откриен во езерото е типичен само за ова поднебје, без посебни надворешни влијанија за појавување на нови видови. Новите видови се појавувале сосема случајно и мали влијанија биле доволни за да се појават нови видови – велат научниците.
Ексклузивно е тоа што во езерото е пронајден и вулкански прав од Италија.
Истражувањата продолжуваат.