Во Собранието на Република Македонија, за денеска се закажани седници на пет собраниски комисии. На дневен ред на седницата на Комисијата за одбрана и безбедност е предлог-законот за изменување на Законот за полиција, а Комисијата за политички систем ќе го разгледува предлог-законот за изменување и за дополнување на Законот за обезбедување на побарувањата.
За неколку предлог-закони ќе расправа и Комисијата за транспорт, врски и екологија. Пред Комисија за труд и социјална политика се предлог-законите за изменување и за дополнување на Законите за правата на воените инвалиди, на членовите на нивните семејства и на членовите на семејствата на паднатите борци и за спречување и заштита од дискриминација, а за повеќе точки треба да расправа и Законодавно-правната комисија.
